ஈ - வரிசை 1 - அகரமுதலி
எழுத்தெனப் படுவ அகர முதல னகர இறுவாய் முப்பஃ தென்ப -தொல்காப்பியம்
| சொல் | பொருள் |
|---|---|
| ஈதல் | கொடுத்தல் |
| ஈ | வீடுகளில் பறந்து திரிந்து உணவுப் பொருள்கள்,குப்பைகள் போன்றவற்றை மொய்க்கும் (ஆறு கால்களை உடைய)ஒரு சிறிய கருப்பு நிறப் பூச்சியினம் |
| ஈக்கில் | (தென்னை)ஈர்க்கு,ஈர்க்குக்குச்சி |
| ஈக்கில் கட்டு | ஈர்க்குக்குச்சியால் ஆன நீண்ட கைபிடி உள்ள துடைப்பம் |
| ஈகை | (மனம் உவந்து கொடுக்கப் படும் ) பொருள் உதவி |
| ஈகைப் பெருநாள் | ரம்சான் பண்டிகை |
| ஈச்சை | 1.பழுப்பு நிறமும் இனிப்புச் சுவையும் உடைய கொத்துக்கொத்தான சிறு பழங்களைத் தரும் முள் போன்று கூரிய நுனியுடைய ஓலைகளைக் கொண்ட தென்னையை ஒத்த சிறிய மரம் 2.மேற்குறிப்பிட்டது போன்ற பழங்களைத் தரும் முள் போன்று கூரிய இலைகளைக் கொண்ட குத்துச்செடி |
| ஈசல் | இறக்கை முளைத்த கறையான் |
| ஈசன் | (பொதுவாக)இறைவன். சிவன் |
| ஈசான மூலை | ஈசானிய மூலை, வடகிழக்குப் பக்கம் |
| ஈசுவரன் | சிவன்,ஈசன் |
| ஈசுவரி | பார்வதி |
| ஈட்டி | கழியின் நுனியில் கூர்மையான முக்கோண வடிவ இரும்பு முனை செருகப் பட்ட எறியும் ஆயுதம் |
| ஈட்டி எறிதல் | ஈட்டியை எறியும் விளையாட்டுப் போட்டி |
| ஈட்டிக்காரன் | (பெரும்பாலும் இந்தியாவின் வடமேற்குப் பகுதியிலிருந்து வந்து கந்து வட்டிக்குப் பணம் கொடுக்கும் தொழிலில் ஈடுபட்டு)அசலையும் வட்டியையும் குறித்த காலத்தில் கறாராக வசூல் செய்பவன் |
| ஈட்டிய விடுப்பு | நிரந்தரப் பணியாளர்கள் குறிப்பிட்ட வேலை நாட்களுக்கு ஒரு நாள் விடுப்பு என்ற விகிதத்தில் சேர்த்து வைக்கும் விடுமுறை |
| ஈட்டிய விடுமுறை | அறிவிக்கப்பட்ட விடுமுறை நாட்களில் பணிபுரிந்தால் அதற்குப் பதிலாக எடுத்துக் கொள்ளும் வேறொரு விடுமுறை நாள் |
| ஈட்டு | (பொருள்)சம்பாதித்தல் |
| ஈட்டுத் தொகை | (அரசுப் பணியில் உள்ள மருத்துவர் வழக்கறிஞர் போன்றோர் அரசுப் பணி தவிரத் தனியாக பணி செய்ய அனுமதி இல்லாததால்) வருமான இழப்பை ஈடு செய்யும் நோக்கத்தோடு சம்பளத்துடன் தரப்படும் கூடுதல் படி |
| ஈட்டுப் படி | (பெரிய நகரங்களில் பணி புரியும் அரசுப் பணியாளர் முதலியோஉக்கு)வாழ்க்கைச் செலவுக்கு ஏற்ற வகையில் சம்பளத்துடன் தரப்படும் கூடுதல் தொகை |