அ - வரிசை 28 - அகரமுதலி
எழுத்தெனப் படுவ அகர முதல னகர இறுவாய் முப்பஃ தென்ப -தொல்காப்பியம்
| சொல் | பொருள் |
|---|---|
| அந்தரம் | தரக்குமேல் பிடிமானம் இல்லாத நடு வெளி |
| அந்தரி | பதற்றம் அடைதல் |
| அந்தலை | (தெரு போன்றவற்றின்) கோடி |
| அந்தலை | சேலை முதலிய நீளமானவற்றின் முடிவுறும் பக்கம் |
| அந்தஸ்து | தகுதி |
| அந்தாதி | முதல் பாடலின் இறுதிச் சொல்லையோ தொடரையோ அடியையோ அடுத்த பாடலின் தொடக்கமாகக் கொண்டு இயற்றப்படும் நூல் |
| அந்திமச் சடங்கு | அந்திமக்கிரியை,இறந்தவருக்குச் செய்யும் இறுதிச் சடங்கு |
| அந்தி மந்தாரை | மாலையில் பூக்கும் நீண்ட மணமுள்ள மலர்/அந்த மலரைத் தரும் சிறு குத்துச் செடி |
| அந்திமம் | (ஒருவருடைய வாழ்நாளில் ) இறுதிக்கட்டம் |
| அந்தியேட்டி | ஒருவர் மரணம் அடைந்த நாளில் இருந்து முப்பத்தொன்றாம் நாள் செய்யப்படும் சடங்கு |
| அந்துப்பூச்சி | (சேமித்து வைத்திருக்கும் நெல்லில் கானப்படும்)இறக்கையுடன் கூடிய பழுப்பு நிறப் பூச்சி |
| அந்துருண்டை | பாச்சா உருண்டை,(துணி,காகிதம் முதலியவற்றைப் பாச்சை போன்ற பூச்சிகள் அரித்துவிடாமல் தடுக்கப் பயன்படும்)வெள்ளை நிறத்தில் ஒருவித நெடி உடையதாக இருக்கும் ரசாயனப் பொருளால் ஆன சிறிய உருண்டை |
| அந்தோ | பிறருடைய துயரத்துக்கு இரக்கம் தெரிவிக்கும் முறையில் அல்லது தன் நிலைமைக்கு வருந்தும் முறையில் பயன்படுத்தும் இடைச்சொல் |
| அந்நாள் | கடந்த காலம்,அந்தக் காலம் |
| அந்நியச் செலவாணி | ஒரு நாடு தன் பொருளாதார நடவடிக்கைகளின் மூலம் ஈட்டும் அயல்நாட்டுப் பணம் |
| அந்நியப்படு | தொடர்பு அற்றுப்போதல்,தனிமைப்படுதல் |
| அந்நியம் | தன்னுடையதாக இல்லாதது,தனக்குச் சொந்தம் இல்லாதது |
| அந்நியமாதல் | அந்நியப்பட்ட நிலை,உற்பத்தியும் உற்பத்திச் செயலும் தன் கட்டுப்பாட்டில் இல்லாததால் ஒருவர் அவற்றிடமிருந்து சக மனிதரிடமிருந்தும் அந்நியமாக்கப்பட்ட நிலை |
| அந்நியன் | அறிமுகம் இல்லாதவன் |
| அநாகரிகம் | பண்புக்குறைவு,பண்பாடற்ற தன்மை |