அ - வரிசை 14 - அகரமுதலி
எழுத்தெனப் படுவ அகர முதல னகர இறுவாய் முப்பஃ தென்ப -தொல்காப்பியம்
| சொல் | பொருள் |
|---|---|
| அடங்கன் முறை | முதல் ஏழு திருமுறைகளின் தொகுப்பு |
| அடங்காப்பிடாரி | யாருக்கும் அடங்காத அல்லது கட்டுப்படாத குணம் உடைய பெண் அல்லது சிறுவன் |
| அடங்காமாரி | அடங்காப்பிடாரி |
| அடங்கு | (கோபம்,தாகம்,ஆசை,வேகம் முதலியவற்றின் தீவிரம்)தணிதல்,குறைதல் |
| அடடா | வியப்பு,வருத்தம் போன்ற உணர்ச்சிகளைத் தெரிவிக்க வாக்கியத்தின் தொடக்கத்தில் பயன்படுத்தும் இடைச்சொல் |
| அடப்பம் | அடர்த்தி |
| அடப்பம் | தேங்காயின் உள்ளீடு முதலியவற்றின் அடர்த்தி |
| அடம் | சிறிதும் விட்டுக்கொடுக்காத தன்மை |
| அடம்பிடி | பிடிவாதம் காட்டுதல் |
| அடமானம் | (நிலம்,வீடு முதலிய சொத்துகளை)ஈடாக வைத்துப் பணம்பெறும் முறை,அடகு |
| அடர் | இடைவெளி இல்லாமல் செறிந்திருத்தல் |
| அடர்த்தி | 1. செறிவு,நெருக்கம், 2. (நிறத்தைக் குறிப்பிடும்போது) வெளிறியதாக இல்லாமல் ஆழ்ந்ததாக இருப்பது ,3. குறிப்பிட்ட ஒரு கன பரிமாணத்தில் செறிந்திருக்கும் பொருளின் நிறை |
| அடர்ந்த | நெருக்கமான,அடர்த்தியான |
| அடர்வு | அடர்த்தி |
| அடவு | பாட்டு இல்லாமல் சொற்கட்டை மட்டும் அடிப்படையாகக் கொண்ட அங்க அசைவு |
| அடவோலை | (வீடு நிலம் போன்றவற்றை)குத்தகைக்கு விடும்போது இரு தரப்பினரும் செய்துகொள்ளும் ஒப்பந்தப்பத்திரம் |
| அடாத்து | அடாவடித்தனம் |
| அடாத | தகாத,முறையற்ற |
| அடாப்பழி | அபாண்டமான பழி,வீண் பழி |
| அடாவடி | (பிறரை மிரட்டுகிற)முரட்டுத்தனம் |